🔻కలవారి కోడలు!🔻
(అవిభక్త కుటుంబము నందలి సౌందర్యమును
వ్యక్తము చేస్తుంది ఈ పాట. )
.
✍🏿కలవారి కోడలు కలికి కామాక్షి
కడుగుచున్నది పప్పు కడవలో పోసి
.
అప్పుడే ఏతెంచె ఆమె పెద్దన్న
కాళ్లకు నీళ్ళిచ్చి కన్నీళ్ళు నింపె
.
ఎందుకు కన్నీళ్ళు ఏమి కష్టమ్ము
తుడుచుకో చెల్లెలా ముడుచుకో కురులు
.
ఎత్తుకో బిడ్డను ఎక్కు అందలము
మీ అత్తమామలకు చెప్పిరావమ్మ
.
కుర్చీ పీట మీద కూర్చున్న అత్తా
మా అన్నలొచ్చారు మమ్మంపుతార?
.
నేనెరుగ నేనెరుగ మీ మామ నడుగు
.
పట్టెమంచము మీద పడుకున్న మామ
మా అన్నలొచ్చారు మమ్మంపుతార?
.
నేనెరుగ నేనెరుగ మీ బావ నడుగు
.
భారతము చదివేటి బావ పెదబావ
మా అన్నలొచ్చారు మమ్మంపుతార?
.
నేనెరుగ నేనెరుగ నీ అక్క నడుగు
.
వంట చేసే తల్లి ఓ అక్కగారు
మా అన్నలొచ్చారు మమ్మంపుతార?
.
నేనెరుగ నేనెరుగ నీ భర్త నడుగు
.
రచ్చలో మెలిగేటి రాజేంద్ర భోగీ
మా అన్నలొచ్చారు మమ్మంపుతార?
.
పెట్టుకో సొమ్ములు కట్టుకో చీర
పోయిరా సుఖముగా పుట్టినింటికిని
ఎంత సుఖమైన హుకుము!🙂
8888888888888888888888888888
Comments
Post a Comment