నారదుడు చేసిన శ్రీరామస్తోత్రము🌷

నారదుడు చేసిన శ్రీరామస్తోత్రము🌷

👉🏿, అయోధ్యకాండ

(పండిత నేమాని రామజోగి సన్యాసిరావు) :

🚩🚩

అయోధ్యానగరములో సీతారాములు పరస్పరానురాగముతో

సుఖంగా గృహస్థజీవితం కొనసాగిస్తున్నారు.

ఒకరోజున బ్రహ్మదేవుని పనుపున, దేవర్షి నారదుడు అయోధ్యకు విచ్చేసి, ఆ పుణ్యదంపతుల దర్శనం చేసుకుని, ఇలా స్తుతిస్తున్నాడు.

🏵️🏵️

"ఏ యే వేళల నే ప్రదేశములలో నే వారితో నొప్పునా,

డే యే ధర్మము లాచరింపవలెనో యీ భూమిపై మర్త్యు, లీ

వా యా రీతుల బోధచేయుటకునై యాచార్యవర్యుండవై

మాయామానుషమూర్తిఁ దాల్చితివి ధర్మత్రాణ దీక్షాపరా!"

🏵️🏵️🏵️🏵️🏵️🏵️

.

భావము:

👉🏿"శ్రీరామా! నీవు ధర్మమును రక్షించుటయే వ్రతనిష్ఠగా

కలిగియున్నావు. ఈ ప్రపంచములోని మనుజులు ఏ యే

సమయములలో, ఏ యే ప్రదేశములలో, ఎవరితో ఏవిధముగా

ప్రవర్తించవలెనో ఆచరించి చూపుటకొరకే, నీవు మానవరూపమును

ధరించి ఈ భువిపైన అవతరించినావు స్వామీ!" అంటున్నాడు

నారదుడు.

🙏🙏🙏🙏🙏🙏🙏🙏🙏🙏🙏🙏🙏